Ciberseguridade

¿Cando un contrasinal é realmente seguro? O sitio web Splashdata recolle os contrasinais máis utilizados en todo o mundo 

A maioría de contrasinais están formadas por combinacións de letras e números sinxelas, o que fai que estatisticamente sexan máis doadas de adiviñar. Nos ataques por forza bruta vanse probando todas as combinacións posibles de caracteres ata dar coa combinación correcta. Este tipo de ataques que empregan os ciberdelincuentes proban diferentes combinacións por tanto os contrasinais que só leven letras ou números serán máis doados de atopar, pois requiren de menos combinacións que aqueles outros que leven letras maiúsculas e minúsculas, números e símbolos de puntuación. O mesmo pasa coa lonxitude, cantos máis caracteres teña o contrasinal máis difícil será dar coa combinación neste tipo de ataques.

Contrasinais son como a roupa interior

contrasinais reutilizados 

Tendo en conta que cada vez temos máis persoas usuarias e contrasinais diferentes, practicamente para cada aplicación ou servizo web que utilicemos, cada vez fai máis difícil lembralas todas e é doado que nos esquezamos dalgunha cos problemas que iso implica. Os datos de acceso, en especial os contrasinais, son un dos principais obxectivos do malware, tanto para roubo de datos e identidades como para suplantar ao usuario e facilitar a súa replicación e propagación entre os seus contactos.

Unha ferramenta de seguridade útil e que ademais permite ter gardadas as contrasinais nun rexistro único e seguro son os xestores de contrasinais. Os xestores de contrasinais cifran nun único arquivo todos os datos de acceso que queiramos, protexéndoos cun contrasinal mestre. Este contrasinal ten que ser moi robusto pois é o que protexerá a todos os demais e nos permitirá a través do programa de xestión de contrasinais obter o contrasinal que precisemos en cada momento. 

Temos que ter en conta que se esquecemos ese contrasinal mestre teremos un problema porque todo o sistema basease na utilización dese contrasinal chave.

Os xestores de contrasinais cifran de maneira moi segura a información. Poden empregar algoritmos moi complexos xa que en realidade gardan pouca información, só usuario e contrasinal. E isto fai que acceder a eses contrasinais resulte moi difícil para o malware, sobre todo se o comparamos con acceder a un arquivo de texto sen protección que teñamos no noso equipo. Os contrasinais podémolos ter sempre accesibles dende múltiples dispositivos, a forma máis doada e empregando un xestor de contrasinais online, pero tamén podemos levar con nós ou gardar na nube o arquivo de configuración cos contrasinais. Isto podemos facelo xa que sempre estará a información cifrada e segura grazas ao contrasinal mestre, ou cando menos tan segura como o estaría no noso equipo.

• KeePass Password Safe. Xestor de contrasinais de software libre, con app para dispositivos móbiles que permite xestionar un arquivo con contrasinais. Ese arquivo pode sincronizarse entre múltiples dispositivos grazas a servizos de almacenamento na nube coma Dropbox.

• LastPass. Trátase dun xestor de contrasinais online enfocado a almacenar contrasinais de distintas páxinas web. Para facilitar o seu uso pode empregarse como plugin ou extensión dun navegador. Empregando a identificación co contrasinal mestre en LastPass pódese acceder ás demais contrasinais de cada sitio web que se copiarán aos formularios de acceso permanecendo ocultas.